Friday, August 29, 2008

ஜூலை 16 - கருப்பு தினம்

அந்த தெருவை எத்தனை முறை கடந்திருக்கும்
என் கால்கள்,
அத்தனை முறையும் பிஞ்சு குழந்தைகளின் கொஞ்சும் மழலை
என்னை ஆர்பரிக்க செய்திருக்கின்றன,
இப்பொழுதும் எங்கள் ஊருக்கு பயணப்பட்டால் ஒரு முறையேனும்
அந்த தெருவின் வழி செல்கிறேன்,

பிஞ்சி குழந்தைகளின் உயிரும் உணர்வும் அங்கே இருந்து
என்னை கேட்கின்றன,
அண்ணா இவ்வளவு அன்புக்கும் நாங்கள் தகுதி இல்லையா?
எங்களை மட்டும் ஏன் சீக்கரமாய் வழி அனுப்பிவிட்டீர்கள்,
தர்மத்தின் வாழ்வை சூது கவ்வும் என்று சொல்லி கொடுத்தீர்கள்,
இன்று தர்மமே இந்த தீயின் வாயிலில் வெந்து விட்ட வேதனையை
எங்கே போய் சொல்லுவது?
சில மனிதர்கள் செய்த தவறுக்கு தீயும் உடந்தை ஆனது
இந்த திரு குடந்தையில்,
சுற்றி சுற்றி இழுத்து சுட்டது எங்களை...

பஞ்ச பூதமும் கடவுள் என்றதெல்லாம் பொய்தானே?
எங்களை பூத உடலாக்கியதும் இந்த பஞ்ச பூதத்தில் ஒன்றுதானே...
மன்னிக்கவேண்டும், மனிதர்களின் மரமான நெஞ்சிக்குள் எங்களுக்கும்
இடம் உண்டாம்.....
யாருக்கு வேண்டும் அந்த இறுதி மரியாதை....
இனியும் நாங்களே இங்கே மீண்டும் பிறப்போம்,
அப்போதாவது எங்களை வாழ விடுங்கள்....
வசந்தங்கள் வரும் இங்கே கண்டிப்பாய் நாங்களும்
வருவோம்....
என்றது அந்த பிஞ்சி மழலையின் ஆன்மா....

No comments: