Friday, August 29, 2008

மனைவி

எத்தனை முறை என்னிடம் தோற்றாலும் என் வெற்றியில்
களிப்புறும் நீதான் என் வாழ்க்கை மாற்றி கொடுத்த சிற்பி…
உலகம் நாடக மேடை என்றால் அதில் உனக்குத்தான் எத்தனை
வேடங்கள் அது எல்லாமே நான் படிக்கும் வேதங்கள்.
காதலில் விழுந்த போது கண்ணிமைகளில் என்னை சிறை எடுத்தாய்,
கண்ணியமாய் பெற்றோருடன் கலந்து ஆய்ந்தால் தான் திருமணமும்
மணக்கும் என்றாய்,
இனிய நாளில் கை பிடித்தோம், இனிமையாய் காலம் கடந்தது,
நீயோ நெடுந்தூர முக மலர்ச்சியில் என் நாளை புதுப்பித்தாய்.

உன்னை என்னவளாக்கிய பின் மறந்தே போனேன் காதலை,
கேட்டால் என் கடிகார முட்களில் நேரம் அதிகம் இல்லையே என்றேன்,
நான் பார்க்கும் மட்டை பந்தாட்டம் என்னை மரகட்டை ஆக்கிய
மர்மம் எனக்கு புலன்படவில்லை,
உன் விழியோர பார்வையின் ஏங்குதல் மறந்தேன்,
உன் கை பற்றி நடக்கும் பாதைகள் மறந்தேன்,

இப்போது எனக்கு புலப்பட்டது உன் விழியோர ஈரம்,
அதில் நீ எனக்கு சொன்னது என் மனதில் ஏறும்.
யோசித்து பார்த்தால் நீ என் உலகத்தின் ஆணி வேர்.
புரிந்து போனது என்னவளே நான் ஒரு ஈர சருகல்ல,
நீ தாங்கி நிற்க உன்னால் செழிப்படைந்த அரசமரம் ,
ஆதலால் வா நாம் களிப்புற்ற நாட்களுக்கு மீண்டும்
பயணப்படுவோம்,
நீ எனக்கானவள் நான் உனக்கானவன் என்ற விஷயத்தை மீண்டும்
ஒரு முறை என் மனதில் உரக்க சொன்னவளே வா இப்போதே
புறப்படுவோம் நம் காதலின் இரண்டாவது அத்தியாயம் எழுத....

No comments: