Tuesday, November 25, 2008

அன்பே வா!!!

சிந்திக்கும் மணித்துளிகள் எங்கேயோ தஞ்சம் புக
அன்பிற்கு வாழ்த்து மடல் வாசிக்க விரும்பி வேகமாகவே சென்று கொண்டிருக்கிறோம்,

உணவகத்தின் கல்லா பெட்டியின் அருகில் அன்பு வாழ்ந்து கொண்டுதான் இருக்கிறது,
எப்போதெல்லாம் எங்கோ முகம் தெரியாமல் தவித்திருக்கும் ஜீவன்களின் பசிக்கு நாம் உதவ,
தேடி பார்க்கும் அந்த சில்லறைகள் கிடைக்கும் போது
அன்பிற்கு இன்னொரு பிறவி வழங்கி வாழ்வின் வேகத்தில் மறைகிறோம்,

எப்பொழுதெல்லாம் தூங்க படுக்கும் போது உறக்கம் பிடிக்க நேரம் ஆகிறதோ அப்போதெல்லாம்,
சாலையில் எவ்வளவு பேர் உறக்கம் தொலைக்கின்றனர்
அவர்களின் உறக்கத்திற்கு வழி செய்ய வேண்டும் என்று மறு நாள் ஏதோ ஒரு வழியில் உதவி செய்தோம் என்றால்
அப்போதெல்லாம் அன்பிற்கு மறு பிறவி கொடுக்கிறோம் மண்ணுக்கும் மனதுக்கும் தெரியாமலேயே,

சோற்று பருக்கையின் அருமை மறந்து,
ஏன் சோற்றையே மறந்திருக்கும் இந்த தருணத்தில்,
இருளுக்கும் வெளிச்சம் உண்டாக்கும் பார்வை அற்றோர் பள்ளியில்
அந்த குழந்தைகள் பருக்கை மீதம் இல்லாமல் சாப்பிடும் போது,
மனது கனத்து திரும்புகிறோமே அங்கேயும், அன்பிற்கு இல்லை அடைக்கும்தாழ்,

அன்பு அழைக்கப்பட வேண்டிய விருந்தினர் இல்லை,
விருந்து படைக்கப்பட வேண்டிய நாட்டின் அங்கம்,
அன்பிற்கு விருந்து படைப்போம், அன்பிற்கு ஆழமாய் அன்பை அளிப்போம்....

பின் குறிப்பு - நம்மால் இயன்ற உதவியாய் இந்த சமுதாயத்துக்கு அளிக்க தயங்க தேவை இல்லை, அதற்கு தலையங்கமும் தேவை இல்லை....

- MJV

1 comment:

Anonymous said...

и всё эе: спасибо. а82ч