Thursday, September 4, 2008

மனைவி - பாகம் இரண்டு

மனைவி என்ற என்னுடைய முதல் பாகம் படிக்காத நண்பர்கள் அதை படித்து விட்டு இதை படிக்கவும்....
http://mjvs.blogspot.com/2008/08/blog-post_6540.html

இரண்டாம் அத்தியாயம் எழுத (வாழ) புறப்பட்டு இருந்த தருணங்கள் அவை,

நல்ல வேலை என் கண்கள் என் நினைவுகளை அள்ளி கொண்டு என்காதல் தேடும் பணிக்கு என்னை பணிக்கவில்லை,
இருக்கும் கணங்களை தொலைத்து விட்டு இறக்கும் தருணங்களில் தேட எனக்கு சம்மதமும் இல்லை,
ஆதலால் வேண்டாம் எனக்கு அந்த காதல் தொலைத்த தேடல்,

என் கண்மணியின் உணர்வு அலைவரிசையில் எப்போதும் என்நினைவலைகள் ஒலிக்கும்,
அதே போல் என் மன கண்ணாடியில் என்னவளின் காதல் ஓவியம்தான் எப்போதும் தடங்கல் இன்றி பிரதிபலிக்கும்,

நீ நான் என்ற அந்த ஒரு முக அழைப்புகள் இனி வேண்டாம்,
நாம் என்ற நெகிழ்ச்சி நீட்டிப்புகள் இனி இந்த இரண்டாம் அத்தியாயத்தை நிரப்பட்டும்,

பெருக்கெடுத்து ஓடும் காவேரி பார்த்து நாள் ஆகி போன வாழ்க்கையில் அன்பென்னும் ஆற்று வெள்ளம் நம் வாழ்வை அடித்து கொண்டு போகட்டும்,
அதில் ஆனந்த கூத்தாடுவோம், பேரின்ப பெருவெள்ளம் பார்த்து பெருமிதமடைவோம்,

எத்தனை நாளுக்குதான் அந்த இடைவெளியை சமத்துவம் பேச வைப்பது,
வா நாம் இருவரும் சேர்ந்து நம் இடைவெளிக்கு சமாதான புறாவை பறக்க விடுவோம்,
இடைவெளி சம்மதித்தால் சமாதானம்,
இல்லையேல் அந்த பாழை போன இடைவெளியை போருக்கு அழைத்து வெற்றி முரசு கொட்டுவோம்,

என்னடா இது இவனுக்குள் இப்படி ஒரு மாற்றம் என்று யோசிக்கிறாயா? தார்மீக அடிப்படையில் வெகு நாள் குடியிருந்தால் வீடும் கூட சொந்தமாம் நமக்கு,
அப்படி பார்த்தால் என்னை விட நீதான் என்னை உன் மனதில் அதிக காலம் சுமந்துள்ளாய்,
ஆதலால் உன்னில் குடியேறுகிறேன் புது வீட்டின் பொலிவோடு,
இனி அத்தியாயங்கள் தேவை இல்லை,
இந்த அத்தியாயம் முடியும்போது நான் காலனிடம் என்னை மேலே சேர்க்கும் பயண சீட்டை சரிபார்த்து கொண்டிருப்பேன்....- MJV