Thursday, January 14, 2010

குறுங்கவிதைகள்!

மு.கு - கீழ்வரும் கவிதைகளில் நிறம் மாறின எழுத்துக்கள் தான் அந்த அந்த படைப்பின் தலைப்பு!!!

தலை திரும்பல், கண்களின் பயண வழி
மாற்றம், சட்டென்ற வேக குறைப்பு,
தெரு முனையில் திரும்பும் முகம்
அவனேதான் என் கல்லூரித் தோழன்,
சொன்னால் கட்டளை கேட்டு தெரு முனை
செல்லவா போகிறது கால்கள்?
இல்லை அவனில்லை என்ற கட்டளைக்கு
பல் இளிக்கும் மனதை எதை கொண்டு சாத்துவது!

மகிழ்ச்சி துக்கம் இரண்டும் சமம்
எனக்கு, உனக்கும் அப்படியா?
மகிழ்ச்சியில் அன்று கண்ணாடிக் கிண்ணத்தில்
நிரம்பி வழிந்த திரவத்திடம் கேட்டான்
(கேட்டேன்) நண்பன் (நான்)!

குளிர்சாதன அறையில் நடந்தது
அந்த வருட கொள்கை விளக்க கூட்டம்,
"அற்புதமான கொள்கைகள்",
"இந்த வருடம் இனிதாக ஆரம்பம்",
வேகமாக வெளியில் வந்த நான்,
"கொஞ்சம் கோணலாதான் இருக்கு"
கூட்டத்தின் பொழுது வரைந்த பெயர் அறியா
உருவத்தின் மூக்கைப் பார்த்தபடி!!!

எப்படியும் இந்த முறை பறக்க
முடியும், காகத்தைப்
பார்த்து பார்த்து குதித்தது குழந்தை,
ஒவ்வொரு முறையும் குழந்தையை
தோற்கடித்த புவி ஈர்ப்பு விசையை,
மீண்டும் மீண்டும் தோற்கடித்து
கொண்டிருந்தன காகத்தின் சிறகசைவுகள்!

மனிதர்களில் தான் காதல் கொலையாளிகள்
உண்டு என்றால், புல்லின் மீதான
பனித்துளியின் காதலை கொல்லும்
சூரியனுக்கும் அந்த பட்டியலில் இடம் உண்டா?

2 comments:

அண்ணாமலையான் said...

வாழ்த்துக்கள்....

காவிரிக்கரையோன் MJV said...

@ அண்ணாமலையான் - வருகைக்கும் பின்னூட்டத்திற்கும் நன்றி நண்பரே.....