Monday, March 15, 2010

காத்திருப்பு...

காத்திருப்பு
நீ பார்க்க மறந்திருப்பாயோ
என்று நான் பார்க்க அந்த நேரம்
பார்த்து வருவாளா, உன் நண்பி,
இங்கே காத்து கிடக்கிறது நம்
காதல்...

நிறுத்தம்
இந்த நிறுத்தத்தில் இறங்குவோர் இறங்குக
என்றதும், சட்டென்று நீ இறங்கினாய்,
உன்னைப் பார்த்து நான் இறங்கினேன்,
பேருந்தில் நம் காதல் மட்டும் தனியே
பயணித்துக் கொண்டிருந்தது!


அன்பு
நட்பு ஒருவரும் இல்லாத
நிலையில் நண்பனுக்கு தோள்
கொடுக்கும்,
காதல் எல்லோரும் இருக்கும்
நிலையிலும், காதலியின் தோளில்
சாய்தல் கேட்கும்,
இரண்டுக்கும் மூலதனம் அன்பு
மட்டுமே என்றால் தோள் கொடுப்பதில்
தவறேதும் இல்லைதானே!!!


வெற்றிப்படி
நிலவை முதலில் தொட்டது யார்
என்றபோது வேண்டுமென்றே நான்தான்
என்றேன் உன் கரம் தொட்டபடி,
எத்தனை முறை இதை சொல்வாய்,
சொந்தமாய் யோசிக்கத் தெரியாதா? என்றாய்,
'ஓ! தெரியுமே', என்றபடி சொன்னேன்,
'நிலவுக்கும் உனக்குமான போட்டியில்
தோல்வி எப்போதும் எனக்குதான்',
தோல்விதானே வெற்றிக்கான பல படிகளின்
முதல் படி!!!


- காவிரிக்கரையோன் MJV

8 comments:

புலவன் புலிகேசி said...

அன்பு மிக அருமை...

காவிரிக்கரையோன் MJV said...

வாங்க புலி. வருகைக்கும் உற்சாகத்திற்கும் நன்றி. சில அலுவல்கள் காரணமாக உங்கள் டரியலை இன்னும் படிக்கவில்லை! உங்களின் புதிய வேலையில் சாதிக்க வாழ்த்துக்கள்.

ஈரோடு கதிர் said...

நிறுத்தம்..

அழகு

காவிரிக்கரையோன் MJV said...

வாங்க ஈரோடு கதிர், வருகைக்கும் உற்சாகத்திற்கும் நன்றி.

♫ ♪ ..♥ .பனித்துளி சங்கர் .♥..♪ ♫ said...

கலக்கல் நண்பரே !

அருமையான சிந்தனை !

♫ ♪ ..♥ .பனித்துளி சங்கர் .♥..♪ ♫ said...

எப்படி இப்படியெல்லாம் யோசிக்கிறீங்க !

மீண்டும் வருவான் பனித்துளி !

காவிரிக்கரையோன் MJV said...

வாங்க பனித்துளி சங்கர். வருகைக்கும் உற்சாகத்திற்கும் நன்றி. மீண்டும் மீண்டும் வாருங்கள்.

polurdhayanithi said...

ungalin narukkugal arumai
polurdhayanithi