Monday, March 29, 2010

கன்னித்தீவு...

கன்னித்தீவு
உன்னிடம் காதல் சொல்லி விட்டு
ஏங்கும் நாட்கள் இருக்கிறதே
இதற்கும் கன்னித்தீவு கதைக்கும்
ஒரே ஒற்றுமை உண்டென்றால் உடனே
காதலை சொல்லி விடுவாயா என்ன?

சுய அறிமுகம்
நல்ல ஆடை உடுத்தி எடுப்பாக
நல்ல நடை போட்டு மிடுக்காக
சென்றாலும்,
மேள தாளம் கேட்டால் நம்மை
அறியாமல் கால்கள் ஆட்டம்
துவக்கி வைப்பது!

இறைவன்
ஏழையின் சிரிப்பில் இறைவன் தெரிவார்
என்பதற்காக இரண்டு ஏழைகளை
பிடித்து கொண்டு வந்து சிரிக்க வைத்து
வைத்து சாமி கும்பிட்டு கொண்டிருக்கிறது
ஓர் பணக்காரக் கூட்டம்,
அதற்கு சம்பளம் வேறு உண்டாம்
ஒரு வேலை சாப்பாடும் 50 ரூபாயும்...

அன்புள்ள மனைவிக்கு
அன்புள்ள மனைவிக்கு அன்புள்ள மனைவிக்கு
எழுதி எழுதி காகிதத்தில் மடித்து
வைக்கிறார் தாத்தா, அலைபேசியிலெல்லாம்
பேச மறுக்கும் புதிரான ஜீவன்,
என்றாவது ஒரு நாள் தன் பெயரனாவது
பெயர்த்தியாவது தபால் நிலையத்திற்கு
வழி சொல்லுவார்கள் என்ற நம்பிக்கையில்...

மீண்டும் உயிர்
நான் என்னை மறந்தாலும்
உன்னை மறப்பதில்லை,
உன் கண்ணில் நீர் வழிந்தால்

என் கண்ணில் உதிரம் கொட்டுமடா,
நினைக்க மறந்தாலும்
மறக்க நினைக்காதே,
பக்கம் பக்கமாய் என்ன எழுதுகிறார்கள்
என்று தன் வாழ் நாள் பக்கங்கள் முடியும்
கவலையில் அலுத்துக் கொண்டது
ஆட்டோகிராப் புத்தகம்!
8 வருடங்கள் கழித்து எடுத்து பார்த்தேன்
மீண்டும் உயிர் பெற்றது அந்த புத்தகமும்
அதில் உறங்கி கொண்டிருந்த உணர்வுகளும்!!!

- காவிரிக்கரையோன் MJV

1 comment:

vidivelli said...

நான் என்னை மறந்தாலும்
உன்னை மறப்பதில்லை,
உன் கண்ணில் நீர் வழிந்தால்
என் கண்ணில் உதிரம் கொட்டுமடா,
நினைக்க மறந்தாலும்
மறக்க நினைக்காதே,
பக்கம் பக்கமாய் என்ன எழுதுகிறார்கள்
என்று தன் வாழ் நாள் பக்கங்கள் முடியும்
கவலையில் அலுத்துக் கொண்டது
ஆட்டோகிராப் புத்தகம்!
8 வருடங்கள் கழித்து எடுத்து பார்த்தேன்
மீண்டும் உயிர் பெற்றது அந்த புத்தகமும்
அதில் உறங்கி கொண்டிருந்த உணர்வுகளும்!!!

இவை மனசிற்கு பிடிச்சிருக்குங்க.....
மொத்தமாய் சொன்னால் எல்லாமே பிடிச்சிருக்கு...
ரொம்ப ரொம்ப நல்லாயிருக்குங்க......