Saturday, April 3, 2010

அவளாய் போன அவன்...

முள்ளிருக்கும் ரோஜா எனினும் உன்னைத்
தள்ளி வைக்கப் போவதில்லை என்ற
கர்வமுனக்கு,

செருப்பாயிருந்தாலும் ஒரு முறை பெட்டியினுள்
அமர்ந்து விட்டதால் எத்தனை முறை
அழுக்குகளை மிதித்தாலும்
தேய்மானம் ஆகா தன்மானமுண்டுனக்கு,

உள்ளுணர்வு அதட்டி சொன்னாலும் பெண்மையின்
காதலை துணிந்து கேட்கும் தன்னம்பிக்கை
உண்டு எல்லா ஆணுக்கும்,

விழுக்காடுகளில் தான் இருக்கிறது வாழ்க்கை
முறை என்றாலும் பெண்ணியம் உண்டு அதில்
தெய்வீக அன்புண்டு எல்லா பெண்ணிற்கும்,

கழிப்பறையில் கூட அவதிப்பட்டு
நிற்கும் இந்த இனத்திற்கு இந்த உலகத்தில்
ஏதெனும் அடையாளம் விற்கப்படுகிறதா?

- காவிரிக்கரையோன் MJV